भारतमा आक्रमण गर्न पाकिस्तानले बनायो पारमाणविक क्षेप्यास्त्र

इस्लामाबाद, २ वैशाख । पाकिस्तानले बुधबार पारमाणविक क्षमताको ब्यालेस्टिक क्षेप्यास्त्रको परीक्षण प्रक्षेपण गरेको जानकारी त्यहाँको सेनाले दिएको छ ।

गौरी ब्यालेस्टिक क्षेप्यास्त्रले एक हजार ३०० किलोमिटर दुरीसम्म प्रहार गर्नसक्ने र यसमा परम्परागत तथा पारमाणविक विस्फोटक पदार्थ दुबै रहनसक्ने जानकारी दिइएका छ ।
एक महिना अगाडि पाकिस्तानले जमिनबाट जमिनमा प्रहार गर्ने पारमाणविक क्षमताको साहिन तेस्रो क्षेप्यास्त्रको परीक्षण प्रक्षेपण गरेको थियो । उक्त क्षेप्यास्त्रले दुई हजार ७५० किलोमिटरको दुरीमा प्रहार गर्नसक्ने अनुमान गरिएको छ ।
सेनाले गौरी क्षेप्यास्त्रको परीक्षण प्रक्षेपण त्यसको सञ्चालन तथा प्राविधिक तयारीमा भएको एक विज्ञप्तिमा जानकारी दिएको छ ।
भारत पाकिस्तानबीच जारी कश्मिर विवादमा भारतसँग लड्न पास्तिानले यस्तो प्रविधिको क्षेप्यास्त्र बनाएर सफल परीक्षण गरेको हो । यता भारतले केही महिना अगाडी यस्तो क्षेप्यास्त्रको सफल परीक्षण गरेको थियो । रासस/एएफपी